“Böten cawaplılıqnı üz östemä alam”

Soğud Ğaräbstanı täxet varisı Möxämmäd Bin Sälman jurnalist Cämal Qaşıqçınıñ üterelüe belän bäyle cawaplılıqnı üz östenä aldı

1276727
“Böten cawaplılıqnı üz östemä alam”

 

 Soğud Ğaräbstanı täxet varisı Möxämmäd Bin Sälman jurnalist Cämal Qaşıqçınıñ İstanbuldağı Soğud Ğaräbstanı baş konsullığında üterelüe belän bäyle barlıq cawaplılıqnı üz östenä aldı.

Bin Sälmannıñ Amerika “PBS” televideniye kanalınıñ "Frontline” xäbär programması prodyusserı Martin Smitka 2018 nçe yılnıñ dekabr’ ayında Riyadta avtomobil’ yarışı waqıtında Qaşıqçı cinayäte belän bäyle äytkän süzläre 1 nçe oktyabr’dä dönya küräçäk programmanıñ tanıtu fragmentında urın aldı.

Fragmentta Smit aña Qaşıqçı cinayätendäge role turında sorağaç, täxet varisı “Bu waqıyğa minem cawaplılığımda buldı. Böten cawaplılıqnı üz östemä alam” dip cawap qaytara.

Smitneñ  “Sezneñ mäğ’lümatığız bulmıyça torıp niçek mondıy närsä bulırğa mömkin?” sorawına  Bin Sälman “Soğud Ğaräbstanında 20 million keşe yäşi. 3 million däwlät xezmätkäre bar” dip äytä.

Smit “Alar sezneñ oçqıçlarığızdan bersen alırğa mömkinme?” dip soraw birgäç, Bin Sälman “Êşläremne kontrol’ itep küzätep baruçı wazıyfalı keşelär, ministrlar bar. Bu alarnıñ cawaplılığında. Alarnın moña wäqaläte bar“dip cawap birä.

İsegezgä töşeräbez, Soğud Ğaräbstanı jurnalistı Cämal Qaçıqçı öylänü êşläre belän bäyle 2018 nçe yılnıñ 2 nçe oktyabrendä Soğud Ğaräbstanınıñ İstanbuldağı baş konsullığına kilgäç şunda üterelgän ide.

Berläşkän Millätlär Oyışması Keşe xoquqları yuğarı komissariatı äzerlägän 101 bitlek xisapta Soğud Ğaräbstanı Cämal Qaşıqçını aldan planlaştırıp, maqsatlı räweşä üterüdän cawaplı totıldı.

Xisapta aralarında Soğud Ğaräbstanı täxet varisı Möxämmäd Bin Sälman da bulğan yuğarı däräcäle räsmi zatlarnı tikşerü – soraştıru öçen ışanıçlı dälillär buluı da urın aldı.



Bäyläneşle xäbärlär