Ruxani - Makron söyläşüe

İran däwlät başlığı Xäsän Ruxani belän Franṡiya ilbaşı Êmmanuêl’ Makron Amerika Quşma Ştatlarınıň N’yu-York şähärendä küreşte.

İran ilbaşı idaräsennän yasalğan yazma açıqlawğa kürä Berläşkän Millätlär Oyışmasınıň 74nçe Ğomüm şura cıyılışlarında qatnaşuçı Ruxani belän Makron ike yaqlı mönäsäbätlär, töbäktäge täraqqıyät’lär häm İrannıň Farsı qultığı öçen äzerlägän “Ormuz tınıçlıq kereşüe” planın qaradı.

Ruxani AQŞ çigelgännän soň atom-töş kileşüdä qalğan illärneň älege xalıqara kileşüneň saqlanuı mäs’äläsendäge cawaplılıqlarına basım yasadı.

İran däwlät başlığı ayıruça Franṡiya, Angliya häm Germaniyaneň “Aramko” höcümnäre belän bäyle ğayepläwlären nigezsez bularaq citkerep, açıqlanğan urtaq beldergegä reakṡiya kürsätte.