Äflisun tösendäge beläklektä - ülem?
AQŞta ber ük beläklekne taqqan 3 keşe ülde

AQŞnıñ Pittsburg şähärendä 3 keşe säyer säbäplär arqasında ülde, 4 keşe isä xastaxanägä êläkte. Alar barısı da ber ük rayonda yäşi.
Bu xaqta Pittsburg cämäğat’çelek sälamätlege direktorı Vendell Xissrix belderü yasadı. Ul poliśiyägä tönge säğat’ 2lär tirälärendä xäbär kilüen söyli. Tärtip saqçıları küpqatlı ber yortnıñ işege töbendä ber keşene, tağın berne liftta häm 5 keşene ber fatirnıñ êçendä tabıp alalar. Bolarnıñ 3seneñ üle buluı açıqlana, qalğannarı añsız xäldä. Barısınıñ da qulında äflisun tösendäge beläklek bar.
Añsız xäldäge 4 keşene xastaxanägä iltälär, alarnıñ xäle bik awır. Belgeçlär beläkleklärdä nindider ximik matdä buluın häm anıñ ülemgä kiterüen farazlıy.
Soñınnan poliśiyä şähärdä waqıyğa bulğan tönne 2 törle çarada äflisun tösendäge beläklek taratıluın açıqlıy.
Waqıyğanı tikşerü êşe başlandı.
Bäyläneşle xäbärlär

"Trampnıñ planı sataşu"
İzrailneñ êlekkege xökümät räise Êxud Barak AQŞ ilbaşınıñ Ğazzä belän bäyler plannarın şärexläde

Braziliyädä su basu fäläkäte
Berençe mäğ'lümatlarğa qarağanda tabiğat' afätlärendä 7 keşe ğomeren yuğaltqan