"Netanyaxu yalğan söyli"

Amerika Quşma Ştatları dӓwlӓt başlığı Donal’d Trampnıñ berençe däwlät särqätibe bularaq wazifa başqarğan Reks Tillerson İzrail prem’yer-ministrı Binyamin Netanyaxunıñ Trampka küp tapqır yalğış mӓğlümat birüen ӓytte.

Tillerson Xarvard universitetında qatnaşqan ber konferenśiyadӓ yasağan çığışında Netanyaxunı bik yaxşı sӓyӓsӓtçe itep taswirlap: “Netanyaxu beraz makyavelist. Ӓgӓr dӓ Binyamin belӓn êş itӓsez ikӓn ӓytkӓnnӓrenӓ şik belӓn qararğa kirӓk,” – dide.

Netanyaxunıñ qayber mӓs’ӓlӓlӓrdӓ Trampnı ügetlӓr öçen AQŞ ilbaşına yalğış mӓğlümat’ birüen kürüen ӓytkӓn Tillerson tübӓndӓgeçӓ dӓwam itte: “İzrail citӓkçelege üzlӓren yaxşı, başqaların naçar itep kürsӓter öçen ilbaşına yalğış mӓğlümatlar citkerde, bu ber genӓ tapqır bulmadı. Monı soñınnan dӓwlӓt başlığına belderdek, ul da wazğiyӓt’ne anladı. Bezgӓ bu qadӓr yaqın hӓm bezneñ öçen möhim berlektӓşneñ bolay êşlӓwe matur bulmadı.”

Tillerson ayıruça fӓlӓstinlelӓr öçen çişeleş telӓwen ӓytep: “Citӓrle tӓşwik hӓm ğarӓp illӓrennӓn basım bulğan oçraqta fӓlӓstinlelӓr çişeleşne qabul itӓr ide, ike dӓwlӓtle çişeleşne,” – dide.