Soğud Ğaräbstanı östendä tap

Soğud Ğaräbstanınıñ Londondağı ilçese jurnalist Cämal Qaşıqçı belän bäyle belderü yasadı

1272747
Soğud Ğaräbstanı östendä tap

Soğud Ğaräbstanınıñ Londondağı ilçese Xalid bin Bandar Äl Suud jurnalist Cämal Qaşıqçı belän bäyle cinayät’neñ ile östendäge “tap” buluın belderde.  

Ul Angliyäneñ ictimağıy telekanalı BBCğa interv’yu birde häm Qaşıqçının üterelüe belän bäyle bularaq: “Yaqınça ber yıl êlek İstanbulda bulğannar Soğud Ğaräbstanı östendä, mädäniyätebez, xalqıbız häm xökümätebez östendä zur tap,”-dide.  

İlçe älege cinayät’neñ yasaluına, üz ğayebe bulmasa da, ükenüen belderä.

İsegezgä töşeräbez, Soğud Ğaräbstanı jurnalistı Qaşıqçı räsmi dokumentlar êşe belän 2018nçe yılnıñ 2nçe oktyabrendä ileneñ İstanbuldağı ilçelegenä kitte häm şunda üterelde.

BMOnın keşe xoquqları komissarlığı tarafınnan xäzerlängän häm iyün’ ayında täq’dim itelgän 101 bitle xisapta Soğud Ğaräbstanı Cämal Qaşıqçını maqsatçan häm aldan xäzerlänep üterüdä cawaplı itep kürsätelä. Dokumentta ilneñ yuğarı däräcäle wäqalätle zatlarına qarata cinayät’ êşe açu öçen ışanıçlı dälillärneñ citärlek buluı äytelä. Älege zatlar arasında Soğud Ğaräbstanı täxet prinśı Möxämmät bin Sälman da bar.



Bäyläneşle xäbärlär