Taliban belän söyläşülär "üle"

Tramp Taliban belän söyläşülärne yañartaçaqmı?

1266563
Taliban belän söyläşülär "üle"

Amerika Quşma Ştatları däwlät başlığı Donal’d Tramp AQŞ belän Taliban arasında uzuçı häm kiçä “tuñdırılğan” solıx söyläşülären “üle” dip atadı.  Bu xaqta ul Aq Yort baqçasında jurnalistlar belän oçraşuda söyläde. “Söyläşülär üle. Borçılaraq sizemläwemçä, bu söyläşülär soñğı sulışın birde,”-dide Tramp.

AQŞ ilbaşı, Taliban belän söyläşülärne tuqtatıp toru qararınnan soñ, räsmi Twitter säxifäsennän mäs’älä belän bäyle yazma urtaqlaştı. Ul Amerikanıñ Äfğanstanda tärtip saqlawçı köç bularaq xezmät itüen häm monıñ AQŞ xärbiläreneñ êşe bulmawın belderde. “Soñğı 4 köndä doşmanıbızğa soñğı 10 yılda hiç kürelmägän qadär kisken bäräbez,”-dip yazdı ul.  

Trampnıñ kiçä Taliban belän planlaştırılğan, ämma uzdırılmağan söyläşülärdä kiñäşçese Mayk Pens häm başqa bik küp yärdämçelären izep ütüen äytälär. İlbaşı älege xäbärlärneñ yalğan buluın söyläde.  

“Taliban belän oçraşu häm söyläşüneñ yaxşı bulaçağın uyladım, ämma bu wäzğıyät’tä uzdırmasqa qarar birdem,”-di ul.

Tramp Kabulda ber AQŞ xärbiyeneñ dä ülemenä kitergän höcümnän soñ Taliban belän tınıçlık söyläşülären tuqtatuın beldergän ide.



Bäyläneşle xäbärlär