Yartı tonnağa yaqın narkotik tabıldı
Metamfetamin matdäse 60 êlektrlı motor êçenӓ yӓşerelgӓn bula

Yaña Zelandiyada rӓsmi zatlar Taylandtan kilgӓn 60 êlektrlı motor êçenӓ yӓşerelgӓn yartı tonnağa yaqın narkotik taptı.
Tamğaxanӓ rӓsmi zatları Oklênd portında konteynerlarda kilgӓn hӓm êlektrlı motorlar êçenӓ yӓşerelgӓn 469 kilogram metamfetamin matdӓseneñ qulğa töşerelüen belderde.
Tamğaxanӓ tikşerülӓr departamentı mödire Bryus’ Berri bu êşne Kanadalı narkobiznes karteleneñ başqaruın uylawların açıqladı.
Berri narkotik alıp satu öçen Yaña Zelandiyağa cibӓrelgӓn ike Kanadalını berniçӓ ay buyı küzӓtülӓren citkerde.
Qulğa alınğan 20 yӓş’lӓrendӓge ike kanadalı belӓn ber Yaña Zelandiya keşeseneñ metamfetamin importlawda ğayeplӓnüe belderelde.
Ğayeple dip tabılğan oçraqta bu keşelӓrne ğomerlek törmӓ cӓzası kötӓ.
Tikşerü qısalarında Amerika Quşma Ştatları, Angliya, Kanada hӓm Awstraliya belӓn xezmӓttӓşlekneñ başqarıluın ӓytkӓn Berri Yaña Zelandiyada hӓm başqa illӓrdӓ dӓ kübrӓk keşeneñ qulğa alına alaçağın citkerde.
Bäyläneşle xäbärlär

"Trampnıñ planı sataşu"
İzrailneñ êlekkege xökümät räise Êxud Barak AQŞ ilbaşınıñ Ğazzä belän bäyler plannarın şärexläde

Braziliyädä su basu fäläkäte
Berençe mäğ'lümatlarğa qarağanda tabiğat' afätlärendä 7 keşe ğomeren yuğaltqan