Dorian 30 keşene üterde

Bagamalarğa bärgän Dorian ğarasatı säbäple ğomere özelüçelär sanı 30ğa citte. Bu xaqta xökümät räise Yuber Minnis belderde.

Dorian - regionda moña qadär bulğan iñ zur ğarasat bularaq terkälde. Ul bik küp zıyan saldı. Meñnärçä keşe yort-cirsez qaldı.

Bagamalarda äle haman êzläw-qotqaru êşläre däwam itä. Ülüçelärneñ sanı artaçağınnan qurqalar.

BMO beldergänçä, cirlektä 70 meñ keşeneñ aşığıç räweştä su häm azıq-tölek belän täêmin itelügä ixtıyacı bar. Bagamalarğa oyışma 8 tonna gumanitar yärdäm cibäräçäk.

Dorian AQŞnıñ könçığış yarlarına barıp citte. Ul köç tuplap 3nçe däräcägä mende häm berazdan qabat 2nçegä töşte. Ğarasat Kön’yaq häm Tön’yaq Karolina ştatlarında xakimlegen däwam itä.

Köçle cil häm yañğır Kön’yaq Karolinanıñ Çarl’zton şähärendä su basu häm taşqınnarğa säbäp buldı. İke ştatta 220 meñnän artıq binada êlektr utı bette.