Êlekkege däwlät başlığınıñ xatınına - 58 yıl törmä

Gondurasta êlekkege däwlät başlığı Porfirio Lobonıñ xatını Roza Yelena Bonil’yağa 58 yıl törmä cäzası birelde. İre dä wazıyfasınnan naçar niyät belän faydalanğan öçen xökem itelgän ide.

Mäxkämä Bonil’yanı däwlät qaznasınnan yaqınça 600 meñ dollar üzläşterüdä ğayeple dip taptı. 58 yıl törmädä utırudan tış ul urlanğan aqçanıñ 10%ın kire qaytarırğa tiyeş.

Prokurorlar äytüençä, êlekkege ilbaşınıñ xatını däwlät aqçası belän zärqan êşlänmäläre alğan häm kredit burıçların tülägän.  

Şul uq däğ’wada Bonil’yanıñ ênese Maurisio Mora da mäxkämä qarşına çıqtı. Ämma anı aqladılar.