Boris Djonsonnı ğafu ütenergä çaqırdılar
Angliyä prem'yer-ministrı möselman xatın-qızlarnı kimsetüçe ğıybarälär qullandı
Angliyädä oppozişiyädäge Êşçe partiyäseneñ sikx xalıq ışanıçlısı Tanmandjit Siñx Dxesi xökümät räise Boris Djonsonnı möselman xatın-qızlardan ğafu ütenergä çaqırdı. Ul uzğan ay Dêyli Telegraf gazetındağı mäqaläsendä päräncä kigän xatın-qızlarnıñ “poçta tartması” häm “bank basuçılar”ğa oxşawın yazğan ide.
Angliyä parlamentında çığış yasağan Dxesi üzeneñ dä keçkenä waqıttan birle tışqı küreneşe säbäple tübänsetülärgä duçar buluın belderde. “Bolay da küñelläre kitek möselman xatın-qızlarınıñ “bank basuçılar” yäisä “poçta tartmaları” dip ataluları öçen kimsenülären añlıybız. Boris Djonson tübänsetüçe xäräkätläre häm rasaçıl süzläre öçen qayçan ğafu ütenäçäk,”-dide xalıq ışanıçlısı.
Xökümät räiseneñ gazettağı kimsetüçe mäqaläsennän soñ Angliyädä möselmannarğa qarşı näfrät nigezendäge cinayät’lär 375%qa artqan.
