Berse dä qotıla almağan

Kaliforniyädä yanğan köymädä qaluçılarnıñ barısı da üle

1263276
Berse dä qotıla almağan

AQŞnıñ Kaliforniyä ştatındağı sulıqlarda ut qapqan köymädän yuqqa çıqqan sanaluçı 34 keşeneñ ğomere özelde. Alarnıñ yalqın êçennän çığa almıyça ülüläre açıqlanğannan soñ êzläw-qotqaru êşläre dä tuqtatıldı.

 Santa-Barbara rayonı şerifı Bill Braun beldergänçä, köymädä qaluçılardan isän-imin qotıluçı bulmağan. Ul 34 keşeneñ yanğın başlanğanda dayving köymäseneñ asqı palubasında yoqlawın häm utnıñ alarnıñ çığu yulların qaplawın söyli. Barı tik öske palubadağı 5 êkipaj äğ’zası ğına qotıla alğan. Xäzergä qadär 20 keşeneñ üle gäwdäse dingezdän çığarılğan. Köymä yanğannan soñ 18 metr tiränlekkä batqan. Su astındağı kümerlängän paluba êçennän cäsädlärne çığaru êşe awır bara. Ülüçelärneñ şäxesen açıqlaw da caylı tügel. Monı barı tik DNK testı belän yasıy alaçaqlar.

Yanğınnıñ kilep çığu säbäben tikşerü däwam itä. Köymä tönge säğat’ 3 tulıp 15 minutlar tiräsendä yana başlağan. Bu waqıtta 23 metr ozınlığındağı dayving köymäse cirdän 32 çaqrım yıraqlıqta bula.



Bäyläneşle xäbärlär