Venesuêlada xökümät belän oppoziśiyä kileşerme?

İke taraf qabattan söyläşülär başlarğa cıyına

1261154
Venesuêlada xökümät belän oppoziśiyä kileşerme?

Venesuêla däwlät başlığı Nikolas Maduro oppoziśiyä belän söyläşülärneñ qabat başlanu mömkinlege turında belderde. Bilgele bulğança, ul ilneñ AQŞtağı aktivlarınıñ tuñdırıluı häm oppoziśiyä liderı Xuan Guaydonıñ bu sankśiyäne yaqlawı säbäple waqıtlıça tuqtatılğan ide.

Maduro bu xaqta Qıtaynıñ räsmi xäbär agentlığı Sinxuağa interv’yusında söyläde. Ul Norvegiyäneñ aradaşçılığı belän oyıştırılğan, ämma tuqtatılıp toruçı cıyılışlarnıñ yañartıluı öçen adımnar yasaluın äytte. “Norvegiyä xökümäte belän êlemtägä kerdek, berniçä cıyılış ütkärelde häm Venesuêla oppoziśiyäse wäkilläre belän dä qabattan söyläştek,”- dide ul.

Maduro Barbadosta ütkärelüçe oçraşulardan tizdän yaxşı xäbärlär çığaçağına ışana. “Min söyläşülärneñ daimi xälgä kilüe, härtörle awırlıq, dawılnı kiçä aluçı häm tınıçlıq öçen däwamlı kiñäşläşü östäle tözü täq’dime yasadım,”-di Venesuêla däwlät başlığı.  



Bäyläneşle xäbärlär