Bitlekle protestçılarnı faş itüçelärgä - büläk
Gonkongta çualışlarda qatnaşuçılarnı atağan öçen 1 million dollar ışandıralar
Gonkong üzidaräle töbägendä ber internet säxifäse soñğı waqıttağı rizasızlıq çaraları waqıtında Qıtay bayrağın töşergän, Gonkong parlamentına basqın yasağan häm şundıy 30 waqıyğada qatnaşqan bitlekle keşelärneñ kemleklären açıqlawda yärdäm itüçelärgä aqçalata büläk ışandırdı.
Şähärdä 3 aydır cinayät’tä ğayeplänüçelär häm mäxkümnärne Qıtayğa tapşıru turındağı qanun proyektına qarşı rizasızlıq çaraları däwam itä. Şul waqıtta “803.hk” internet säxifäse qayber waqıyğalarda qatnaşuçılarnı faş itü maqsatınnan kampaniyä başladı. Anda çualışlarnı oyıştıruçılarnıñ isemnäre öçen 1 million Gonkong dolları ışandıralar. “Bez cämğıyät’neñ barlıq kisemnärennän häm Gonkongta tiz arada tınıçlıq urnaşuın telibez,”-diyelä säxifädä.
Cirle matbuğattağı xäbärlärgä qarağanda, säxifä Gonkongnıñ êlekkege baş idaräçese Lyun Çun İn isemenä terkälgän.
Bäyläneşle xäbärlär
Netan’yaxunı öye aldında protest itkännär
Protestçılar Netan’yaxu xökümätenä äsirlärneñ kire kiterelüe taläben qabatladı