Paqıstan senatı başlığı säfärennän baş tarttı

Ul Berläşkän Ğaräp Ämirleklärenä rizasızlıq yözennän älege ilgä barmıy

1258502
Paqıstan senatı başlığı säfärennän baş tarttı

Paqıstan senatı räise Sadık Sanjrani Berläşkän Ğaräp Ämirleklärenä bulaçaq säfärennän baş tarttı. Bu älege ilneñ Hindstan xökümäte räise Narendra Modiğa yuğarı däräcäle däwlät büläge birüennän soñ buldı.

Sanjrani parlament delegaśiyäse belän Ğaräp ämirleklärenä 4 köngä kitärgä tiyeş ide. Säfärennän baş tartıp ul Modiğa birelgän büläkkä rizasızlıq kürsätä häm Käşmir xalqına teläktäşlek belderä.  

Senat başlığı Sanjrani, matbuğatqa belderü yasap, Hindstan xökümäteneñ Cammu Käşmir xalqına kertkän çikläwlärenä rizasızlıq kürsätte häm Paqıstannıñ käşmirlelärneñ bäysezlek xäräkätenä teräk bulaçağın äytte.  

Ul Modi xökümäteneñ käşmirlelärgä qarşı moñarçı kürelmägän räweştä zolım itüen häm basıp alınğan cirlärdä çikläwlär kertüen söyläde. Bu xäldä säfär yasawnıñ Paqıstan häm Käşmir xalqınıñ xis-toyğılarına zarar biräçägen dä östäde.



Bäyläneşle xäbärlär