Afrika fillӓren saqlaw başlandı

Berläşkän Millӓtlär Oyışması Afrika fillӓreneñ qırğıy tormış urınnarınnan zooparklarğa kiterelüen tıydı.

Oyışmanıñ Jeneva ofisında Nӓsele yuqqa çığuçı törlӓrneñ sӓwdӓsenӓ qarağan kileşü buyınça Afrika fillӓren saqlaw öçen ütkӓrelgӓn tawışqa quyuda 18 tiskӓre tawışqa qarşı 46 il uñay tawış birde, 19 il isӓ tawış birmӓde.

Tawışqa quyu belӓn Afrika fillӓren qırğıy tormış urınnarınnan zooparklarğa iltü tıyıldı.

Xalıqara humanitar cӓmğiyӓt oyışması mӓs’ӓlӓ belӓn bӓyle yasağan açıqlawında qıynaluçı fillӓrgӓ qarata başqarıluçı zolımnı tuqtatırğa süz birde.

Zimbabveneñ 2012dӓn bügengӓ qadӓr Qıtaydağı zooparklarğa 100 fil balası êksportlawı belenӓ.

Kön’yaq Afrika, Namibiya hӓm Zimbabve zooparklarğa iñ küp qırğıy fil êksportlawçı illӓr arasında.

Ӓnilӓrennӓn mӓcbüri rӓweştӓ ayırıp alınğan bala fillӓrdӓn qayberlӓre travma arqasında ülӓ.