Yämändä här kön diyärlek 1 balanıñ ğomere özelä

Monıñ säbäbe - ildäge suğış, açlıq, xastalıqlar

1250145
Yämändä här kön diyärlek 1 balanıñ ğomere özelä

 

Yämändäge suğış arqasında soñğı 1 yılda 335 balanıñ ğomere özelgän.

Bu xaqta üzäge Angliyädä urnaşqan “Oxfam” ictimaği oyışması citkerä.

Oyışmanıñ bu xaqtağı belderüendä “2018 nçe yılnıñ 9 nçı avgustınnan bügenge köngä qadär ildäge höcümnär arqasında 335 bala yaqtı dönyadan kitkän” diyelä.

”Oxfam”nıñ Yämän mödire Muhsin Sıddıki soñğı 1 yılda här kön diyärlek 1 balanıñ ğomere özelüen äytkän.

Sıddıki beldergänçä, Yämändä açlıq häm xastalıqlar belän bergä qırıslıq waqıyğaları da ğadi xalıq tormışına qurqınıç tudıra , ildä utnı tuqtatu täêmin itü bik möhim.

Ozaq waqıt säyäsi totrıqsızlıq xökem sörgän Yämändä husilär belän xökümätkä bäyle köçlär arasında bäreleşlär küzätelä.

Yaqınça 5 yıl däwam itüçe bäreleşlärdä isä meñnärçä keşe hälaq bulğan.

Dönyanıñ iñ fäqir’ illäre arasında urın alğan Yämändä watandaşlar suğışı arqasında humanitar krizis könnän kön tiränäyä bara.

 



Bäyläneşle xäbärlär