Qahwӓ hӓm çӓy yoqını açmıy

Yatqançı êçelgӓn qahwӓ hӓm çӓy yoqını açmıy

1249618
Qahwӓ hӓm çӓy yoqını açmıy

“İndependent” gazetı beldergӓnçӓ AQŞnıň Florida Atlantik Universitetı hӓm Garvard Universitetınıň mediŝina fakul’tetınnan tikşerenüçelӓr üzixtiyari 785 keşene 5164 kön hӓm tön küzӓtep, ni qadӓr kafein, isertkeç êçemlek hӓm nikotin qullanuların terkӓp barğan.

Tikşerenü törkeme soňınnan bu mӓğlümatlarnı qatnaşuçılarnıň yoqı waqıtın hӓm yoqı sıyfatın terkӓp baruçı belӓkkӓ urnaştırılğan datçiklardan alınğan nӓticӓlӓr belӓn çağıştırdı.

Êşçӓnlektӓ nikotin hӓm isertkeç êçemlekneň yoqını bülüe, kafeinnıň yoqığa tӓêsir itmӓwe kürelde.

Êşçӓnlektӓ ayıruça yatqançı tӓmӓke tartunıň yoqı waqıtın 42 minutqa ӓzӓytüe bilgelӓnde. Töne buyı tӓmӓke tartuçılarnıň yoqısı isӓ 43 minutka ӓzrӓk.

Florida Atlantik Universitetınnan Doktor Kristin Spadola “Sleep” jurnalında yazğan mӓqalӓdӓ yatar aldınnan qullanılğan nikotin hӓm isertkeç êçemlekneň yoqı sıyfatına tiskӓre tӓêsir itüen belderde.

Spadola: “Yoqlar aldınnan qullanılğan kafein isӓ yoqı parametrlarınıň bersenӓ dӓ yoğıntı yasamıy,” – dide.

Tikşerenüneň qahwӓ hӓm çӓyneň yoqısızlıqqa kiterüe fikeren yuqqa çığaruına işarӓt itelde.



Bäyläneşle xäbärlär