Urlanğan êlekkege ministr irektä

Liviyädä 13 kön êlek urlanğan êlekkege ênergetika ministrın irekkä cibärdelär

1248903
Urlanğan êlekkege ministr irektä

Liviyädä qorallı keşelär tarafınnan urlanğan êlekkege ênergetika ministrı Abdulbari äl-Arusi 13 könnän soñ irekkä cibärelde.

Cirle telekanalnıñ xäbärenä qarağanda, anı 25nçe iyül’ könne öyeneñ qarşısınnan kemlekläre älegä açıqlanmağan keşelär alıp kitä. 58 yäş’lek Arusi ildä 2012nçe-2014nçe yıllarda neft’ ministrı wazıyfasın başqarğan ide. Liviyäneñ tüntärelgän liderı Muammar Kaddfi çorında ul törmädä utıra häm ülem cäzasına xökem itelä.

Liviyädä “ğaräp yazı” dip ataluçı prośesstağı tüntäreleştän soñ idarädä buşlıq barlıqqa kilde. Şul säbäple qorallı törkemnärneñ keşelärne urlaw, mäcbüri alıp kitü häm aqça taläp itü şikelle qanunsız ğamälläre yış kürenä.


Etiketlar: #keşe urlaw , #Liviyä

Bäyläneşle xäbärlär