Bosniyälelärneñ öy häm texnikasına höcüm

Alarğa svastika yasağannar häm awır süzlär yazğannar

1248417
Bosniyälelärneñ öy häm texnikasına höcüm

Bosniyä-Gerśegovinanıñ üzäk töbäklärennän Gornji Vakufta qayber bosniyälelärneñ öyläreneñ divarları belän maşinalarına svastika yasağannar häm Srebreniśa genośidı qorbannarınıñ yaqınnarın yaralawçı süzlär yazğannar.

Urta Bosniyä kantonu poliśiyä idaräsennän yasalğan belderüdä äytelgänçä, waqıyğa Krupa awılında bula. Tönge säğat’lärdä bilgesez keşelär 5 texnikağa häm öylärneñ divarlarına faşistlarnıñ simvolı häm mısqıllawçı süzlär yaza. Şundıy yortlarnıñ berseneñ xucası Möxämmät Pokviç älege waqıyğağa üzäge bik nıq özelüen belderä. “Xorvat kürşelärebez bar. Alar belän arabız bik äybät. Bu waqıyğadan soñ kütärelep küzebezgä qarıy almadılar,”-di ul.

Awıl idaräsennän Anto Batinic da höcümne ğayepläde häm monı êşläwçelärneñ tiz arada tabılıp xökem qarşına basuların teläde.

Waqıyğa belän bäyle cinayät’ êşe açıldı.



Bäyläneşle xäbärlär