“Böten däwlätlär klimat üzgäreşenä qarşı aşığıç räweştä çaralar kürergä tiyeş”

 Berläşkän Millätlär Oyışması ğomum särqätibe Antonio Gutereş böten däwlätlärneñ klimat üzgäreşenä qarşı aşığıç räweştä çaralar kürüe kiräklegen beldergän.

Ul bu xaqta New Yorkta BMO ğomum üzägendä jurnalistlarğa yasağan belderüendä citkergän.

 Anıñ äytüençä, BMOga bäyle bötendönya metereologiya oyışması mäğ’lümatlarına kürä  uzğan ay xäzerge waqıtqa qadär iñ êsse iyül’ ayı bulğan.

Gutereş 2015 nçe yıldan 2019 nçı yılğa qadär däwerneñ iñ êsse 5 yıl bularaq terkäläçägen beldergän.

BMO ğomum särqätibe boz tawınıñ da bik tiz êrüenä basım yasağan.

Gutereş dönyada ênergiya citeşterü häm başqa bik küp mäs’älädä üzgäreşlär kertü kiräklegen assızıqlağan.