Germaniyädä änise belän balanı poyezd yulına êttelär

Germaniyädä timer yul stanśiyäsendä 8 yäş’lek bala belän änisen poyezd qarşına êtep cibärdelär. Waqıyğa Frankfurtta bula.

Şähärneñ poliśiyä idaräse süzçese İzabell N’yumann beldergänçä, äni keşe qotılırğa ölgerä, bala isä poyezd astında qalıp ülä.

Waqıyğadan soñ 40 yäş’lek Afrika çığışlı şöbhäle qaçarğa mataşa. Ämma anı stanśiyä tiräsendä êläkterälär.

Germaniyä matbuğatında tağın ber oxşaş waqıyğa turında yazalar. Êritreyalı beräw poyezd kötüce başqa keşene vağon astına törtep töşerermäkçe bula, ämma bu barıp çıqmıy.

İlneñ timer yullar oyışmasınnan belderülärençä, waqıyğadan soñ poyezd säfärlärendä kimçeleklär bulğan, qayber perronnarnı waqıtlıça yapqannar.  

İldä äle 20nçe iyül’dä genä Ferde şähärendä 34 yäş’lek xatın-qıznı poyezd astına êtep töşerdelär. Ul hälaq buldı.