Paqıstan kosmonavt äzerläyäçäk

Ğalӓmgӓ berençe kosmonavt 2022 yılda cibӓrelӓçӓk

1243516
Paqıstan kosmonavt äzerläyäçäk

Paqıstan ğalӓmgӓ berençe kosmonavtın 2022 yılda cibӓrӓçӓk.

Paqıstannıñ Ğilem hӓm texnologiya ministrı Favad Çaudri sośial’ media xisabında yasağan açıqlawında 2020 yılnıñ fevral’ ayında 50 keşelek kandidat isemlegeneñ ӓzerlӓnӓçӓgen citkerde.

Bu sannıñ soñınnan 25kӓ töşӓçӓgen ӓytkӓn Çaudri tübӓndӓgeçӓ yazdı: “Berençe kosmonavtıbız 2022 yılda ğalӓmgӓ cibӓrelӓçӓk. Bu ğalӓm tarixıbıznıñ iñ zur adımı bulaçaq.”

Sośial’ mediadağı açıqlawınnan soñ Paqıstannıñ “Dawn” gazetına interv’yu birgӓn ministr kosmonavt namzӓtlӓren Paqıstan Hawa köçlӓreneñ saylap, belem birӓçӓgen citkerde.

Favad Çaudri Paqıstan Hawa köçlӓre birӓçӓk belemnӓn soñ ber kosmonavtnıñ ğalӓmgӓ cibӓrelӓçӓgen añlattı hӓm Paqıstannıñ monnan alda iyӓrçennӓren Qıtaydan ğalӓmgӓ oçırtuın xӓterlӓtte. Paqıstan kosmonavtı da Qıtaydağı ğalӓm bazalarınnan cibӓrelӓçӓk.



Bäyläneşle xäbärlär