Franśiyädä yuğalğan su astı köymäse

Franśiyäneñ Tulon şähäre sulıqlarında 51 yıl êlek yuqqa çıqqan “Minerv” su astı köymäse tabıldı. Anı ber tikşerenü törkeme kürep alğan.

BBC xäbärenä qarağanda, Franśiyä saqlanu ministrı Florens Parli tabıldıq xaqında Twitter xisabınnan belderä. Su astı köymäse 1968nçe yılnıñ ğıynvarında 52 diñgezçe belän yuqqa çıqqan ide.

Parli, barlıq tırışlıqlarğa qaramastan, yıllarca êzenä töşä almağan “Minerv”nıñ tabıluın uñış häm texnik mömkinleklärgä sıltıy.

Yuğalğan diñgezçelärneñ yaqınnarı taläbe belän su astı köymäsen êzläw bıyıl qabat başlana. “Ozaq waqıtlar bu mizgelne kötkän ğailälärne uylıym,”-dide ministr.

Cirle matbuğat çaralarına tayanuçı xäbärdä korabnıñ port şähäre Tulonnan 45 kilometr yıraqlıqta diñgez öslegennän 2 meñ 370 metr tiränlektä yatuı belderelä.

“Minerv”nıñ yuğalu säbäbe älegä qadär açıqlanmadı.