Hindstan Çandrayaannı ğalämgä cibärde

Ul uzğan atna axırında cibärelergä tiyeş ide, ämma qayber kıyınlıqlar kilep çıqtı

Hindstan Çandrayaannı ğalämgä cibärde

Hindstan üze yasağan Çandrayaan-2 tikşerenü apparatın ğalämgä oçırdı. Ul uzğan atna axırında cibärelergä tiyeş ide, ämma qayber kıyınlıqlar kilep çıqtı.

Hindstan ğaläm tikşerenü institutı Çandrayaan-2neñ bu yulı uñışlı räweştä oçırtıluın xäbär itte.

Apparat iyärçen, töşep utıru platforması häm säyäxät itüçe texnika modul’lärennän tora. Ul başta iyärçenen Ay orbitasına cibäräçäk. Soñınnan Aynıñ qarañğı tarafına töşep utırıp anıñ öslegen kartalandıraçaq, minerallarğa analiz yasayaçaq häm cirlektä su êzläyäçäk.

Çandrayaan-2neñ iyärçen modüle Ay orbitasında 1 yıl buyınça tikşerenü êşläre alıp baraçaq.

Hindstan Çandrayan-1 ğaläm korabın 2008nçe yılda Ayğa cibärde. 2014nçe yılda ul Mars orbitasına iyärçen urnaştıra aldı.


Etiketlar: Ay , Çandrayaan-2 , Hindstan

Bäyläneşle xäbärlär