Ayğa ayaq basu mizgelläre
Astronavt Nil Armstrongnıñ Ayğa täwge ayaq basu mizgelläre yazdırılğan kassetalar 1 million 820 meñ dollarğa satıldı
Amerika milli aviaśiyä häm ğaläm agentlığı NASAnıñ 1976nçı yılda yaşğış 217 dollarğa satqan Ayğa täwge adım atılğan mizgellärneñ küreneşläre aukśionda 1 million 820 meñ dollarğa satıp alındı. Bügengä qadär saqlanğan 3 original’ kasseta tulayım 2 säğat’ yarımlıq küreneşlärdän tora. Anda astronavt Nil Armstrongnıñ Ayğa täwge ayaq basuı häm AQŞnıñ ul çordağı däwlät başlığı Riçard Niksonnıñ çığışı urın ala.
Kassetalar 1976nçı yılda NASAda stajyer bulğan Gêri Djordjqa ber aukśionda yalğış başqa 65 kasseta belän bergä 217 dollar 77 śentqa satıla. Djordj kassetalarnıñ qayberlären cirle telekanallarğa sata, ä bu öçesen, ätiseneñ kiñäşe belän, üzendä qaldıra.
Ayğa menüneñ 50nçe yılı uñayınnan NASA älege kassetalarnı êzli başlıy. Djordj şul waqıtta ğına alarnı berençe tapqır açıp qarıy häm üzendä buluın açıqlıy.
