Hindstanda su basularda keşelär häm xaywannar ülde

Kaziranga milli parkınıñ 90%ı su astında qaldı

1238794
Hindstanda su basularda keşelär häm xaywannar ülde

Hindstanda soñğı könnärdä xakimlek itüçe köçle yañğırlar arqasında barlıqqa kilgän su basularda ğomere özelüçelärneñ sanı 136ğa citte.

“Hindustan Times”nıñ xäbärenä qarağanda, wäqalätle zatlar Bixarda 78, Assamda 39, Megxalayada 8 Uttar Pradeşta 6, Mizoramda 5 keşeneñ ülüen belderä.

Su basu bulğan cirleklärdä qotqaru êşläre däwam itä.

Assamda 4 meñ yort zıyan kürgän. Älege töbäktä Kaziranga milli parkınıñ 90%tan artığı su astında qala. Andağı 30dan artıq xaywan ülä. Aralarında ber fil häm 4 mögezborın da bar.  

Magxalayada 155 meñ keşe su basu täêsire astında qalğan. Anda cir ubılu oçraqları da bula. Näticädä yullar häm qayber binalar zur zıyan kürä.

Mizoramda yılğalar taşıp 32 awıl su astında qalğan häm yaqınça meñ ğailä êvakuaśiyälängän.

Meteorologlar qayber töbäklärdä äle xaman köçle yañğırlar bulaçağın farazlıy.



Bäyläneşle xäbärlär