Musson yañğırları can aldı

Su basu hӓm cir şuışularında 100dӓn artıq keşeneñ ğomere özelde

1236045
Musson yañğırları can aldı

Aziyaneñ kön’yağında küzӓtelgӓn musson yañğırları kiterep çığarğan su basu hӓm cir şuışularında 100dӓn artıq keşeneñ ğomere özelde.

Nepalda pӓnceşӓmbe könennӓn bügengӓ qadӓr köçle yawım-töşem nӓticӓsendӓ 67 keşe yaqtı dönyadan kitte, 43 keşe yaralandı.

İlneñ kön’yağındağı şaqtıy şӓhӓr su astında qaldı, 31 keşedӓn xӓbӓr yuq.

Cir şuışuları arqasında 14 avtoyul yabıldı.

Hindıstannıñ tön’yaq könçığışında da küzӓtelgӓn yañğırlar kiterep çığarğan su basu hӓm cir şuışularında soñğı 4 köndӓ 31 keşeneñ ğomere özelde.

Ximaçal Pradeş vilayӓteneñ Solan şӓhӓrendӓ 4 qatlı binanıñ cimerelüe nӓticӓsendӓ 13e ğaskӓri bulğan barlığı 14 keşe ülde.

Bixar vilayӓtendӓ 200 meñ keşe su basqan öylӓren taşlap kitӓrgӓ mӓcbür qaldı.

Meñnӓrçӓ keşe lager’larğa urnaştırıldı.

Bangladeşta awıl cirleklӓrendӓge igen-basularda êşlӓwçe 10nan artıq keşe musson yañğırları sӓbӓpçe bulğan yӓşen suğu arqasında yaqtı dönyadan kitte.

İldӓ su taşqınnarında 40 meñ keşe zıyan kürde.



Bäyläneşle xäbärlär