Venesuêlada yaña tüntäreleş kereşüe

Yaña tüntäreleş planınıñ tormışqa aşuın kirtälädelär

1226029
Venesuêlada yaña tüntäreleş kereşüe
nicolas maduro.jpg

Venesuêlada tağın ber tüntäreleş kereşüe bula yazıp qaldı. İldä 23nçe-24nçe iyün’dä xärbi fetnä planı tözelgän. Ämma aña iminlek köçläre kirtä quyğan.

Däwlät başlığı Nikolas Maduro sonğı tüntäreleş kereşüeneñ artında toruçı törkemneñ êläkterelüen belderde. “Venesuêla xalqına häm demokratiyäsenä tüntäreleş kereşüe yasarğa mataşqan terrorçı törkemne açıqladıq häm qulğa aldıq. 14 ay däwam itkän êzärlekläwdän soñ bu cinayät’çelär törmägä atıldı,”-dide ul. Maduro äytüençä, tüntäreleşçelär AQŞ häm Kolumbiyä tarafınnan finanslanğan. Ul qulğa alınuçılar arasında İzrail keşeläreneñ dä buluına iğ’tibarnı cälep itte. İlbaşı tüntäreleşçelärneñ üzen üterergä mataşuın, monnan soñ Venesuêlanıñ telefon häm internet êlemtäse infrastrukturasına bombalı höcümnär oyıştırırğa cıyınuın da söyläde.  

İlneñ êlemtä, mädäniyät häm turizm öçen cawaplı viśe-prezidentı Xorxe Rodriges ta jurnalistlar belän oçraşuda älege tüntäreleş kereşüe xaqında belderde. Anın äytüençä, tüntäreleşçelär 3 törkemnän torğan. Aralarında Venesuêlanıñ êlekkege xärbiläre, İzrail häm Kolumbiyä watandaşları bar. Törkemneñ bersen Dominikanda yäşäwçe êlekkege venesuêlalı general Xose Bayez Torreal’ba citäklägän. Alar däwlät başlığı Maduronı häm Berläşkän sośialist partiyäseneñ berençe räise urınbasarı Diasdado Kabellonı üterergä planlaştırğan.

Rodriges törkemneñ telefon aşa söyläşüläre häm videoängämälären dä jurnalistlarğa täq’dim itte.



Bäyläneşle xäbärlär