Tüntäreleş kereşüeneñ liderı üterelde

Êfiopiyädä tüntäreleş yasarğa mataşqan generalnı qaçqan waqıtta üterdelär

1224324
Tüntäreleş kereşüeneñ liderı üterelde

Êfiopiyäneñ Amxara töbägendä tüntäreleş yasarğa mataşqan iminlek citäkçese Asaminev Śigê qaçqanda üterelde. Poliśiyädän alınğan xäbärlärgä qarağanda, anı töbäkneñ başqalası Baxirdardan yaqınça 10 çaqrım yıraqlıqta êläkterälär.

İldä atna axırında bulğan tüntäreleş kereşüe häm ğomumştab başlığı Sir Mekonnennıñ üterelüe nisbätennän ber könlek matäm iğ’lan itelde.

Törkiyä häm bik küp başqa çit il missiyäläre başqala Addis-Abebada bayraklarnı yartılaş töşerde.

Êfiopiyädä iminlek çaraları arttırıldı, internetka ireşü yabıldı, telefonnardağı qısqa xäbär xezmäte dä qullanılmıy.

Ğomumştab başlığı Mekonnennı öyendä üterüçeneñ waqıyğa urınında üz-üzenä atuı häm soñınnan xastaxanädä ülüe bilgele.

Amxara töbägeneñ iminlek citäkçese bulğan êlekkege general Śigê häm tarafdarları şimbä könne tüntäreleş kereşüe başladı. Alar uñışqa ireşä almadı.

Tüntäreleş kereşüe waqıtında Amxara töbäge citäkçese Ambax’yu Mekonnen häm anıñ xezmättäşläreneñ ğomere özelde. Ğomumştab başlığı isä üz öyendä tän saqçıları tarafınnan üterelde.

Älege waqıyğa buyınça tikşerü êşe başlandı. Anda niçä keşeneñ qulğa alınuı bilgele tügel.



Bäyläneşle xäbärlär