Yaña Zelandiyada cirteträw

Yaña Zelandiyanıñ Kermadek utrawlarınıñ kön’yaq-könçığışında 6,4 zurlığında cirteträw barlıqqa kilgän

Yaña Zelandiyada cirteträw

Amerika Quşma Ştatları geologik tikşerenülär üzägennän yasalğan belderügä kürä, Yaña Zelandiyağa yaqınça 800 çaqrım yıraqlıqtağı Kermadek utrawları törkemendäge Raoul utrawınıñ 180 çaqrım kön’yaq-könçığışında 6,4 zurlığında cirteträw barlıqqa kilde.

Zilzilä yaqınça 10 kilometr tiränlektä terkälgän.

Kermadek utrawlarında 16nçı iyün’dä barlıqqa kilgän 7,4 zurlığındağı cirteträwdän soñ śunami kisätüe yasalğan, läkin bu kisätü qısqa waqıttan soñ ğamäldän çığarılğan ide.

Zilzilä sızığında urnaşqan Yaña Zelandiyanıñ Kraystçerç şähärendä 2011nçe yılda bulğan 6,2 zurlığındağı cirteträwdä 185 keşeneñ ğomere özelgän, ber meñ 500dän kübräk keşe dä yaralanğan ide.



Bäyläneşle xäbärlär