Misırda êlekke İlbaşı Möxämmäd Mursi wafat bulğan

Misırda demokratik yul belän saylanğan berençe däwlät başlığı Möxämmäd Mursi mäxkämä zalında wafat bulğan

1220164
Misırda êlekke İlbaşı Möxämmäd Mursi wafat bulğan

Misır däwlät televideniyäse êlekke İlbaşınıñ mäxkämä zalında canın täslim qıluın xäbär itte.

Bärep töşerelgän lidernıñ xökem itelüçe mäxkämä utırışı waqıtında başta xäleneñ naçarayuı, annan soñ wafat buluı xäbär itelä.

Şul arada Törkiyä İlbaşı Räcäp Tayyip Ärdoğan: "Şähit Mursi qardäşebezgä Allahtan yarlıqaw telim”, - dip äytte.

Wafat xäbären İstanbulda jurnalistlarğa bäyäläwçe Ärdoğan Misır xalqınıñ qayğısın da urtaqlaştı.

Törkiyä İlbaşı Ärdoğan Möxämmäd Mursineñ Misırda tüntäreleş belän citäkçelekne üz qulına alğan “zalim (Abdülfättah äl) Sisi” tarafınnan meñnärçä iptäşe belän bergä yıllar buyı törmädä totıluın xäterlätte.

Misır êlekke İlbaşı Möxämmäd Mursi 2012nçe yılda ilneñ bişençe, saylaw belän wazıyfağa kilgän berençe däwlät başlığı bula.

Mursi 2013nçe yılnıñ 3nçe iyül’ könne Sisineñ äydäp baruçanlığındağı Misır qorallı köçläreneñ xärbi tüntäreleşe belän bärep töşerelä.

Mursi isä tüntäreleşne qabul itmäwen açıqlıy häm tüntäreleşkä qarşılıq kürsätergä çaqıra.

Tüntäreleştän soñ qulğa alınğan Mursi yaqınça 6 yıl saq astında xökemgä tartıla ide. Sälamätlegeneñ bigräk tä soñğı ber yılda naçarayuı belenä ide.



Bäyläneşle xäbärlär