Guterres Keniya häm Somalidağı terror höcümnären ğayeplägän
BMO ğomum särqätibe:"Höcümnärdä ğomere özelgän keşelärneñ ğailäläre ,Koniya häm Somali xökümätläreneñ , xalqınıñ qayğısın urtaqlaşam ,yaralanğan keşelärgä şifalar telim"
Berläşkän Millätlär Oyışması ğomum särqätibe Antonio Guterres Keniya häm Somalidağı terror höcümnären ğayeplägän.
BMO ofisınnan yasalğan belderüdä Guterresnıñ şimbä könne Keniyanıñ Vadjir töbägendä poliśiya xezmätkärläre utırğan avtomobil’ yulğa quyılğan bomba östennän uzu näticäsendä barlıqqa kilgän şartlawda 8 poliśiya xezmätkäreneñ ğomere özelgän waqıyğanı ğayepläwe citkerelä.
Comğa könne şul uq töbäktä “Äl Şäbab” terror oyışması 3 poliśiya xezmätkären urlağan.
Guterres cawaplılığın “Äl Şabab” terror oyışması üz östenä alğan Somali başqalası Mogadişoda kontrol’ punktında bombalı avtomobil’ şartlaw näticäsendä 8 keşe ügän häm şaqtıy keşe yaralanğan höcümne dä ğayeplägän.
Ğomum särqätip höcümnärdä ğomere özelgän keşelärneñ ğailäläre ,Koniya häm Somali xökümätläreneñ , xalqınıñ qayğısın urtaqlaşqan ,yaralanğan keşelärgä şifalar telägän.
Berläşkän Millätlär Oyışması ğomum särqätibe Antonio Guterrest terrorçılıq häm qırıslıqnı üz êçenä alğan çiktän tış ğamällärgä qarşı köräş qısalarında BMOnıñ Keniya häm Somali xökümätlärenä teläktäşlek belderüen citkergän.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı
