Rusiya poliśiya xezmätkärläre Törkiyädä dä yal itä ala

Bu xaqtağı qararğa Rusiya Federaśiyäse êçke êşlär ministrı Vladimir Kolokol’śev qul quyğan

Rusiya poliśiya xezmätkärläre Törkiyädä dä yal itä ala

 

 Rusiya poliśiya xezmätkärläre yal itä aluçı illär isemlegenä kertelde.

Bu xaqtağı qararğa Rusiya Federaśiyäse êçke êşlär ministrı Vladimir Kolokol’śev qul quyğan.

”Kommersant” gazetı xäbärenä kürä, Vladimir Kolokol’sev qul quyğan qarar nigezendä Rusiya Federaśiyäse êçke êşlär ministrlığı äğ’zaları kitä alaçaq illärgä Törkiyä dä östälde.

Bu qarar belän isemlekkä Tailand da kertelde.

2014 nçe yılda Rusiyädä êçke êşlär ministrlığı xezmätkärläre häm başqa oyışmalardağı iminlek xezmätkärläreneñ çit ilgä çığuı häm çit illärdä yal itüe tıyılğan ide.  

Bilgele ber waqıttan soñ iminlek xezmätkärläreña barı tik êlekke Sovetlar Berlege illäre bulğan Azärbaycan, Ärmänstan, Qazaqstan, Qırğızstan,Tacikstan,Belarus,Törekmänstan häm Üzbäkstan belän bergä Qıtay, V’yetnam häm Kubağa kitüenä röxsät birelgän ide.

 

 



Bäyläneşle xäbärlär