AQŞ Pol’şağa östämä xärbilär cibärä

AQŞ İlbaşı Donal’d Tramp belän Pol’şa Däwlät başlığı Andrzej Duda Amerika Quşma Ştatlarınıñ bu ildäge xärbilär sanın arttıraçaq yaña saqlanu kileşüenä imza saldı.

Tramp belän Duda kileşügä Aq Yortta uzdırılğan söyläşüdän soñ matbuğat aldında qul quydı.

Annan soñ ike lider urtaq matbuğat oçraşuın oyıştırdı.

Matbuğat oçraşuı aldınnan yasalğan belderüdä: "Pol’şağa östämä 2 meñ ğaskäri cibärüne söyläşülären”, - assızıqlawçı Tramp urtaq matbuğat oçraşuında isä kileşüdä "bu ilgä waqıtlıça ber meñ tiräsendä xärbi cibäräçäkläreneñ” yazılğan buluın açıqladı.

Truamp ayıruça Pol’şanıñ Amerika Quşma Ştatlarına 30dan kübräk F-35 xärbi oçqıç zakazın birüen häm monnan bik qanäğät’ buluın belderde.

Tramp monnan tış Pol’şanıñ Amerikan firmalarınnan östämä 8 milliard dollar külämendä sıyıqlaştırılğan tabiği gaz alu mäs’äläsendä dä kileşügä ireşelüen äytte.

Şul uq waqıtta Dudanıñ "Rusiyäne dusmı, doşman bularaq küräsezme?” – digän sorawğa anıq itep cawap birmäwennän soñ Tramp: "Pol’şanıñ Rusiyä belän iskitkeç mönäsäbätläre bulır, dip ömet itäm. Bezneñ dä Rusiyä belän yaxşı mönäsäbätlärebez bulır,” – dip ışanam”, - räweşendä bäyäläw yasadı.

Rusiyäneñ Qırımnı qanunsız räweştä üz cirlärenä quşuınnan soñ 2016nçı yılda tözelgän kileşü näticäsendä Amerika Quşma Ştatları Pol’şağa bilgele ber külämdä xärbilären cibärgän ide.