Êbola Ugandağa da kilep citkän

İldä 3 êbola oçrağı terkälgän, 5 yäş’lek 1 bala ülgän

Êbola Ugandağa da kilep citkän

 

Afrikada meñnärçä keşeneñ ğomeren özgän êbola Ugandağa da kilep citkän.

Bötendönya sälamätlek saqlaw oyışması xäzerge waqıtqa qadär Ugandada 3 êbola oçrağı terkälüen, 5 yäş’lek 1 balanıñ êboladan ülüen beldergän.

Oyışma êboladan ğomere özelgän balanıñ 9 nçı iyün’dä ğailäse belän bergä Kongodan kilüen ,xastalığı bilgele bulu belän şunduq xastaxanägä salınuın häm däwalaw êşlärenä kereşelüen ämma anıñ qotqarıla almawın citkergän.

Uganda sälamätlek saqlaw ministrlığı êbola ilgä ütep kergännän soñ maxsus êşçänlek bülege buldırğan.

Kongo demokratik cömhüriyätendä uzğan yılnıñ iyül’ azağında başlanğan êbola kizüendä bügenge köngä qadär yaqınça 1400 keşe yaqtı dönyadan kitkän.

Êbola virusı berençe tapqır 2013 nçe yılnıñ dekabrendä Könbatış Afrikada kilep çıqqan ide.

Gvineya,Liberiya häm S’yerra – Leoneda 2014-2017 nçe yıllarda küzätelgän kizüdä 30 meñ keşe êbola yoqtırğan ,11 meñnän kübräk keşe ülgän.

 

 


Etiketlar: êbola kizüe , Kongo , êbola , Uganda

Bäyläneşle xäbärlär