Putinnan Törkiyägä maqtaw

Rusiyӓ Federaśiyase dӓwlӓt başlığı Vladimir Putin Sankt Peterburg şӓharendӓge Xalıqara iqtisad forumında yasağan çığışında Törkiyӓ hӓm Rusiyӓneñ ênergetika ölkӓsendӓge xezmӓttӓşlegen bӓyalӓde.

Kön’yaq Ağım hӓm Tön’yaq ağım kebek proyektlarnıñ kiresenӓ Törek Ağımı proyektında Törkiyӓ belӓn Rusiyӓ arasındağı uñışlı xezmӓttӓşlekkӓ basım yasağan Putin: “Törkiyӓ belӓn Törek Ağımınıñ tözeleşe mӓs’ӓlӓsendӓ kileştek hӓm dӓwlӓt başlığı Rӓcӓp Tayyip Ӓrdoğannıñ sӓyӓsi iradӓse yӓrdӓmendӓ proyekt bik tiz tӓmamlana. Kilӓse aylarda proyekt xezmӓtkӓ kerӓçӓk. Awrupalı duslarıbız telӓsӓlӓr, xӓzer tabiği gaznı başqa yünӓleştӓn ala ala,” – dide.

Putin Awrupada qayber illӓrneñ berüzlӓre genӓ qarar birӓ almawlarına iğtibarnı cӓlep itep tübӓndӓgeçӓ dӓwam itte: “Qayber illӓrneñ bӓysezleklӓre çiklӓnӓ. Xӓzer isӓ Törek Ağımı proyektı yӓrdӓmendӓ Awrupağa tabiği gaz qudıru yulları törlӓnӓçӓk.”

Vladimir Putin Bolgariyadan uzuı planlanğan Kön’yaq Ağım tabiği gaz proyektınıñ Awrupanıñ basımı arqasında ğamӓldӓ çığarıluın xӓterlӓtte.