Makron - Tramp söyläşüe

Söyläşü Franśiyaneñ Kayen şähärendä uzdı

1214530
Makron - Tramp söyläşüe

Franśiya dӓwlӓt başlığı Êmmanuêl’ Makron ilenӓ sӓfӓr yasağan AQŞ ilbaşı Donal’d Tramp belӓn Kayen şӓhӓrendӓ küreşep söylӓşte.

Tramp biregӓ Normandiya operaśiyaseneñ 75 yıllığı uñayınnan oyıştırılğan tantanada qatnaşır öçen kilde.

Makron söylӓşüdӓn alda oyıştırılğan matbuğat oçraşuında ileneñ AQŞ belӓn Afrika, Yaqın Könçığış hӓm xalıqara mӓs’ӓlӓlӓrdӓ xezmӓttӓşlegeneñ ӓhamiyӓten assızıqladı.

Trampnıñ Franśiyağa kilüenӓ şatlanuın beldergӓn Makron: “Monda kilüegez ike millӓt arasındağı bӓylӓneşneñ dӓlileder,” – dide.

Franśiya ilbaşı ileneñ AQŞ belӓn köçle mönӓsӓbӓte buluın citkerde.

AQŞ dӓwlӓt başlığı da Franśiyağa kilüenӓ hӓm tantanada qatnaşuına şat buluın belderde.

Tramp Fransiya belӓn Amerika Quşma Ştatları arasında iskӓrmӓle hӓm ğadӓti bulmağan mönӓsӓbӓtneñ hӓm zur partnyerlıknıñ buluın ӓytte.

Tramp İrannıñ arom-töş qoralğa iyӓ buluın telӓmӓwen assızıqlap: “İlbaşı bulıp saylanğanda İran terrorçı il ide, xӓzer dӓ şulay,” – dide. Tramp bu mӓs’ӓlӓdӓ Franśiya belӓn urtaq fikerdӓ buluların citkerde.

İranğa qarata çiklӓwlӓrneñ küp nӓrsӓne üzgӓrtüen beldergӓn Donal’d Tramp İran citӓkçelegeneñ üze belӓn küreşergӓ telӓwen hӓm söylӓşü öçen ӓzer buluın ӓytte.



Bäyläneşle xäbärlär