12 kümäk qaber tabıldı

Ğiraqta DEAŞ terror oyışması başqarğan cinayät’lärne tikşergän BMO törkeme 12 kümäk qaber taptı.

Ğiraqta 2018 yılnıň üktäbr’ ayınnan birle Törkiyä, Şveŝiya, Germaniya häm Soğud Ğaräbstanınnan belgeç häm küzläw xezmätkärläre yärdämen alğan BMO törkeme BMO iminlek şurasına täqdim itkän xisabında terror oyışması başqarğan cinayät’lärne öç başçağa bülde.

Alar tübändägelär: “2014tä ezidilärgä qarata höcümnär”, “2016da Musulda başqarılğan cinayät’lär” häm “2014tä Tikritta üterelgän Ğiraqlı ğaskärilär”.

Ğiraqta 12 kümäk qaberneň tabıluı häm qaberlärdän törle analizlarnıň alınuı urın alğan xisapta DEAŞ qorbannarınıň tuğannarı belän dä küreşep, dälillärneň cıyıluı açıqlandı.

BMO törkeme xisabında DEAŞ terror oyışmasınıň xärbi cinayät’, keşelekkä qarata cinayät’ häm genoŝidtan cawaplı totıla alınu öçen cıyılğan dälillärne illär häm mäxkämälär belän urtaqlaşırğa äzer buluın belderde.