"Bez härwaqıt Fälästin yanında"

Malayziyaneñ idari başqalası Putradjayada Fӓlӓstinlelӓrgӓ iftar aşı oyıştırğan prem’yer-ministrı Maxatxir Möxӓmmӓd Fӓlӓstin-izrail probleması hӓm Malayziyaneñ İzrailneñ yawlawçı sӓyӓsӓtlӓrenӓ qarşı totışı belӓn bӓyle açıqlaw yasadı.

İleneñ Fӓlӓstin dӓğwasına bӓylelegeneñ dӓwam itӓçӓgen hӓm hӓrwaqıt fӓlӓstinlelӓr yanında bulaçağın beldergӓn Maxatxir: “İzrail rejimınıñ basımı hӓm ğadelsezlege dӓwam itkӓn sayın bu mӓs’ӓlӓdӓ tawış-tınsız qalmabız,” – dide.

İzrailneñ Fӓlӓstingӓ qarata höcümnӓreneñ Yaqın Könçığışta terrorçılıqnıñ töp sӓbӓbe buluın assızıqlağan Maxatxir tübӓndӓgeçӓ dӓwam itte: “Dönyada tınıçlıq urnaştıru öçen Fӓlӓstin problemasın çişü şart. Monıñ öçen xalıqara cӓmӓğat’çelekneñ İzrail qanunsız rӓweştӓ alğan cirlӓrneñ kire tapşırıluın tӓêmin itüe zarur. Küplӓp üterüçe İzrail armiyaseneñ yawlawları beterelergӓ hӓm Fӓlӓstinlelӓrneñ tuğan yaqlarına qaytuları tӓêmin itelergӓ tiyeş.”