AQŞtan İranğa yaña yanaw

Amerika Quşma Ştatları däwlät başlığı Donal’d Tramp Twitterda İran belän kiyerenkelekne arttıra alaçaq tağın ber açıqlaw yasadı.

Tramp açıqlawında: “Ägär dä İran suğışırğa teli ikän, bu İrannı azağına kiterer. Başqa AQŞqa yanama,” – dip belderde.

Tramp citäkçelege 2015tä imzalanğan atom-töş kileşüdän 2018 yılnıň 8 may könne çigenüen açıqlağan ide.

Soňınnan Tähran citäkçelegeneň neft’ êksportın maqsat itep aluçı çikläwlär kertkän AQŞ uzğan ayda da İrannıň İnqilap saqçıları armiyasen “çit il terror oyışmaları” isemlegenä kertkän ide.

İran däwlät başlığı Xäsän Ruxani da AQŞnıň çikläwlärenä cawap itep 8 may könne ileneň atom-töş êşçänlekläreneň ber öleşen qabat başlatuın citkergän ide.