Angliyä patşalığında yaña keşe

Täxetneñ tağın ber varisı päyda buldı

1196218
Angliyä patşalığında yaña keşe

Angliyä patşabikäse Yelizaveta 2nçeneñ onıqçığı häm täxetneñ çirattağı varisı tudı. Prinś Garri häm xäläl cefete Sasseks gerśoginyası Megan Marklnıñ täwge balaları dön’yağa kilde. Bu xaqta Bukingem sarayınnan xäbär ittelär.  

Patşa ğailäseneñ yaña ir-at wäkile 3 kilo 200 gramm awırlığında. Älegä sabıyğa nindi isem birü turında ber qararğa kilä almağannar.

 Garri belän Megan uzğan yıl başqala Londonnıñ könbatışındağı Vindzor qal’gäseneñ tarixi ğıybadätxanäse İzge Georgiy çirkäwendä zur tantana belän öyläneşte.

Patşabikä onığı Garriğa Sasseks gerśoglığın birde, şuna kürä xatını Megan da Sasseks gerśoginyası buldı.

Prinś Çarl’z belän 1997nçe yılda yul hälakätendä ülgän prinśessa Diananıñ ikençe balası bulğan Garri  -täxetkä çiratta altıncı. Anıñ yana tuğan ulı isä cidençe.



Bäyläneşle xäbärlär