Tramptan İzrailğa teläktäşlek

Amerika Quşma Ştatları däwlät başlığı Donal’d Tramp comğa könennän birle Ğazzäne bombağa totuçı İzrailne xuplawın açıqladı.

Tramp Twitterda tübändägeçä yazdı: “İzrail tağın ber qat Xamas häm İslami cihat terror oyışmalarınıň raketa höcümnärenä duçar qaldı. İzrailne watandaşların saqlawı mäs’äläsendä xuplıybız.”

Ğazzä xalqına da möräcäğat’ itkän Tramp: “İzrailğa qarşı bu terror höcümnäre sezgä naçarlıqtan başqa närsä alıp kilmäyäçäk. Qırıslıqnı beteregez häm tınıçlıq öçen tırışlıq quyığız,” – dide.

Trampnıň Ğazzädäge İzrail bombalawında şähit bulğan şaqtıy keşe turında süz itmäwe reakṡiyağa säbäpçe buldı.

Ğazzädä comğa könne snayper utında ike İzrail ğaskäriyeneň yaralanuınnan son töbäktä qırıslıq arttı. İzrail tarafınnan toraq punktlarına oyıştırılğan hawadan höcümnärgä qarşı Ğazzädän raketalar ırğıtıldı.

Şunnan soň İzrail armiyase qamaw astındağı Ğazzädän şaqtıy raketanıň ırğıtıluın nigeznamä itep kürsätep, xärbi oçqıçlar belän töbäkkä hawadan höcüm başlattı.