Kongoda 83 yulçı belän köymä battı

Qazada yuğaluçılarnı êzläw däwam itä

1196071
Kongoda 83 yulçı belän köymä battı

Kongo demokratik cömhüriyäteneñ könçığışındağı Kivu külendä 83 yulçı utırğan köymä battı. Näticädä 2 keşeneñ ğomere özelde, 31e yuğaldı. Cirle matbuğat çaralarındağı xäbärlärgä qarağanda, köymägä çiktän tış küp külämdä awıl xucalığı tovarları töyälgän bulğan. Şunıñ arqasında ul äylänep qaplana. Köymädä utırğan 83 keşeneñ 50sen qotqaralar, 2 keşeneñ üle gäwdäse tabıla. Yuğaluçılarnı êzläw däwam itä.  

İldä 15nçe aprel’dä köymä batıp 130ğa yaqın keşe hälaq bulğan ide. Kongoda tropikal’ klimat säbäple kiñ urman mäydannarı häm küp sanda yılğa-küllär bar. Zur şähärlär arasında maşina yulları çeltäre yuq. Kübesençä su yulı belän xäräkät itälär. Ämma iske häm tözeksez köymälärneñ çiktän tış awır yök taşuı näticäsendä bik yış ülemçel hälakätlär bulıp tora.  



Bäyläneşle xäbärlär