İzrail iminlek kabinetı cıyıldı

İzrail iminlek kabinetı armiyägä qamalış astındağı Ğazzäne bombalawnı arttıru täğ’limatı birde.

Yediot Axaranot gazetınıñ räsmi çığanaqlarğa nigezlängän xäbärenä qarağanda, iminlek kabinetı regiondağı kiyerenkelekneñ üsüe turında söyläşü öçen cıyılğan. Şunnan soñ armiyägä bombalawnı arttırırğa häm Ğazzä çigenä yaña köçlär kiterergä quşalar.

İzrail xökümäte räise Bin’yamin Netan’yaxu kiçä yasağan belderüdä armiyägä Ğazzägä kiñ külämle höcümnärne däwam itü ämere birüen äytte.
İsegezgä töşeräbez, Ğazzädä comğa könne märgän atuı belän 2 İzrail xärbiye yaralandı. Şunnan soñ regiondağı dähşät arttı. İzrail toraq punktlarğa hawa höcümnäre yasadı. Moña cawap itep Ğazzädän raketalar atıldı. İzrail isä xärbi oçqıçlar belän töbäkne bombaladı. Bik küp fälästinle şähit buldı.