Fani ğarasatı

Hindstanda comğa könne başlanğan häm säğatenä 180 kilometr tizlek belän xäräkät itüçe Fani ğarasatında ülüçelärneñ sanı 34kä citte. İñ zur zıyan Puri töbägenä kilde. Aşığıç yärdäm wäkilläre töbäktä meñnän artıq sälamätlek üzägeneñ häm yaqınça 5 meñ 800 uqu yortınıñ zarar kürüen belderde.  

Ğarasat 14 meñ 835 awılğa täêsir itte. 17 meñ 280 xaywan ülde.

Ğarasattan zıyan kürgän cirleklärdä yäşäwçelärgä törle külämdä aqça häm döge cibäreläçäk.

Yöz meñnärçä keşeneñ susız häm êlektr ênergiyäsez qaluı bilgele. Xökümät zıyan kürüçelärgä 15 kön buyı buşlay rizıq taratu öçen êşçänlek başladı.