90 migrant saq astı üzägennän qaçtı

Meksikada totıluçı migrantlar AQŞqa ütep kerergä mataşa

1195615
90 migrant saq astı üzägennän qaçtı

Meksikanıñ kön’yağındağı ber saq astı üzägendä totılğan 90 migrant qaçtı. Barısı da Kubadan. Alar qaçqan waqıtta saq astı märkäzenä keçkenä külämle zıyan da salğan.

Aprel’ axırında Kubadan kilgän 600 migrant qaçqan ide. Meksika xökümäte 170en illärenä qaytarıp cibärde.

AQŞ çigenä barıp citärgä tırışuçı yaqınça 3 meñ keşelek konvoyğa qarşı uzğan ay axırında poliśiyä operaśiyä oyıştırdı. Anda yaqınça 400 migrant saq astına alındı.

Meksika migraśiyä oyışması 5 meñ 336 qaçaqnıñ Ç’yapasta sıyınu urınnarında yäşäwen häm alardan 1 meñ 500eneñ illärenä cibäreläçägen belderde.

Üzäk Amerikadan AQŞqa barıp citü öçen yulğa çıqqan 7 meñnän artıq keşelek qaçaq konvoyı uzğan yıl dekabr’dä Meksikanıñ çik buyı şähäre Tixuanağa kilde.

AQŞnıñ çik buyı saqçıları ilgä ütärgä mataşuçı aralarında balalar da bulğan qaçaqlarğa äçe gaz belän qarşılıq kürsätte. İlbaşı Tramp mäxkämä qararınnan başqa berkemneñ dä çikne ütmäyäçägen belderde.

Amerika häm Meksika xökümätläre üzara kileşü tözede. Anıñ nigezendä, sıyınu teläge beldergän öçençe illärneñ watandaşları ğarizalar qaralğan waqıtta Tixuanada yäşiyäçäk.

Meksika migraśiyä komissiyäsennän belderülärençä, xökümät 2018nçe yılnıñ 1nçe dekabrennän birle 3 meñ 983 qaçaqqa kiçü vizası birgän.


Etiketlar: #Meksika , #migrantlar , #AQŞ

Bäyläneşle xäbärlär