Venesuêlada tüntäreleş kereşüe

Xärbilär xökümätne bärep töşerergä mataşa

1192683
Venesuêlada tüntäreleş kereşüe

Venesuêlada xökümätne bärep töşerergä omtılış buldı. Anıñ oppoziśiyä belän bäyläneşe bulğan ber törkem xärbi tarafınnan başlanuı belderelä. Tüntäreleşne bastırırğa tırışalar.  

Bu xaqta Venesuêla êlemtä, mädäniyät häm turizmnan cawaplı ilbaşı kiñäşçese Xorxe Rodriges Twitter xisabında yaza. Anıñ äytüençä, “uñçı oppoziśiyä belän êşläwçe watan xaine” xärbilärneñ keçkenä tüntäreleş kereşüen bastıru öçen tırışalar.  Venesuêlada üzen ilbaşı iğ’lan itkän Xuan Guaydo da sośial’ çeltär aşa 3 minutlıq video urtaqlaştı häm xalıq belän xärbilärne uramğa çığarğa çaqırdı. Videoda ul başqala Karakastağı La Karlota xärbi bazası tiräsendä. Yanında ber törkem ğaskärilär. Guaydo anda: “İlne demokratik bularaq yañadan kütärü öçen sezne xäräkät itärgä çaqıram. Waqıt citte,”-dide.

Başqala Karakasta äle xaman qayber xärbi berleklärneñ yullarnı yabuı, suğış texnikası belän yörüe kürenä.



Bäyläneşle xäbärlär