Tramp "N'yu-York Tayms"qa qarşı

Ul gazetta çıqqan karikatura öçen dulıy

1192346
Tramp "N'yu-York Tayms"qa qarşı

AQŞ ilbaşı Donal’d Tramp İzrail xökümäte räise Bin’yamin Netan’yaxunı üzen artınnan iyärtep baruçı êt itep sürätläwçe karikaturanı bastırğan “N’yu-York Tayms” gazetına rizasızlığın belderde. Ul matbuğat çarasınıñ üzennän ğafu ütenüen äytte, şulay da anı “jurnalistikanıñ in tübän däräcäse” dip atadı. Monnan tış, Tramp “Tayms”nı bik yış yalğan xäbär yasawda ğayepläde.  Ul üzeneñ Twitter xisabında gazetqa qarata rizasızlıqların belderde.

“N’yu-York Tayms qurqınıç antisemit karikatura öçen ğafu ütende, ämma minnän köndälek yalğannar häm äxlaqsız xäbärlär öçen ğafu ütenmäde. Bu gazet jurnalistikanıñ iñ tübän däräcäsenä barıp citte häm üz tarixındağı iñ asqı noqtada,”-dip yaza ul.

İzrail xökümäte räise Bin’yamin Netan’yaxunı AQŞ ilbaşı Donal’d Trampnı artınnan iyärtep baruçı êt räweşendä sürätlägän karikatura uzğan atnada pänceşämbe könne basılıp çıqqan ide. Sośial’ media qullanuçılar anıñ antisemitizm ruxında buluın säbäp itep rizasızlıq kürsätte. Gazet älege räsem öçen ğafu ütende.  



Bäyläneşle xäbärlär