Franśiyädä xalıq qabat uramnarda

"Sarı jiletlılar" il külämendä çara oyıştırdı

1191218
Franśiyädä xalıq qabat uramnarda

Franśiyädä ilbaşı Êmmanuêl’ Makronnıñ pänceşämbe könne yasağan belderüen citärlek dip tapmağan sarı jiletlılar yañadan uramnarğa çıqtı. Rizasızlıq çaralarınıñ 24nçe atnasında alar qabat Parij häm başqa şähärlärdä mäydannarnı turırdı. Demonstraśiyälärgä çittän tış sulçı Baş imäwçe Franśiyä xäräkäte liderı Jan-Lyuk Melenşon häm ilneñ iñ zur hönärçelek berlege Ğomum êş konfederaśiyäse teläktäşlek kürsätte.

Parijnıñ poliśiyä idaräsennän belderülärençä, başqaladağı çaralarda 14 keşe qulğa alınğan, 13 meñ 500 keşene totqarlap tikşergännär. Xoquq saqçıları demonstrantlarnıñ Şanzêlize uramı häm yanğında zarar kürgän Notr-Dam soborı tiräsendä çara ütkärüen tıydı.  

İlneñ Straśburg şähärendä isä rizasızlar belän poliśiyä arasında kiyerenke mizgellär buldı. Çarada qatnaşuçılar tärtip saqçılarına taş häm şeşä attı, qarşı yaq äçe gaz belän cawap qaytardı. Bäreşeltä küp keşeneñ yaralanuı belderelä.

İl külämendä oyıştırılğan çaralarda êçke êşlär ministrlığı mäğ’lümatlarına qarağanda 23 meñ 600, “sarı jiletlılar” farazı buyınça 60 men 132 keşe qatnaştı.

Franśiyä ilbaşı Makron pänceşämbe könne yasağan belderüendä êşläwçe watandaşlar tülärgä tiyeşle keremnän salımnıñ kimeteläçägen häm şirkätlärneñ qayber salımnarı betereläçägen äytte.



Bäyläneşle xäbärlär