Marokkoda tabiplar wazifalarınnan kitä
Alar sӓlamӓtlek saqlaw sistemasındağı qıyınlıqlarnı protest itӓ
Marokkoda dӓwlӓt xastaxanӓlӓrendӓ êşlӓwçe 310 tabip fӓlӓkӓt itep taswirlağan sӓlamӓtlek saqlaw sistemasındağı qıyınlıqlarnı protest itӓr öçen wazifalarınnan kitte.
Tabiplar bӓysez hönӓrçelӓr berlege tarafınnan yasalğan yazma açıqlawda Beni Melal töbӓgendӓ 122, Meknestӓ 125, könçığış töbӓgendӓ dӓ 63 tabipnıñ sӓlamӓtlek saqlaw tarmağındağı problemalar arqasında wazifaların başqara almawların nigeznamӓ itep kürsӓtep üz telӓklӓre belӓn wazifalarınnan kitüe belderelde.
Açıqlawda xezmӓtneñ watandaşlarnıñ talӓplӓren qanӓğat’lӓnderӓ almawı hӓm rӓsmi zatlarnıñ watandaşlarnıñ sӓlamӓtlek saqlaw xoquqları mӓs’ӓlӓsendӓge uñışsızlıqların tabiplar östenӓ audaruı citkerelde.
Hönӓrçelӓr berlege êş şartlarınıñ yaxşırtıluı hӓm xezmӓt xaqlarında artış talӓbe belӓn küptӓn tügel çara oyıştırğan ide.
